Emo-oroitu

Emo-oroitu Adineko pertsonen gaitasun sozio-emozionalen sustapena narriadura kognitiboaren prebentziorako

Talde lana

DESKARGA GUNEA: Fitxak eta Saioak

Narriadura kognitiboko prozesuek eragiten dituzten gaixotasunak (adibidez, alzheimerra) dira adineko pertsonen desgaitasun eta mendekotasunen arrazoi nagusiak. Gure inguruan, dementzia duten pertsonen kopuruak nabarmen egingo du gora, 2050ean biztanleriaren %4ra iritsi arte. Gaixotasun horien prebentziozko esku-hartzeek ikuspegi multifaktoriala izan behar dute. Horrela, Karolinska institutuaren FINGER (Finnish Geriatric Intervention Study to Prevent Cognitive Impairment and Disability) proiektuak frogatu zuen arrisku-faktoreak kontrolatzeko eta babes-faktoreak hobetzeko arlo-anitzeko esku-hartze batek dementzia-arrisku handia duten pertsonen narriadura kognitiboaren eragina murrizten zuela.

GOIZ ZAINDU izeneko ikerketa pilotu batean (2018-2020 urteen artean Beasainen egindakoa), FINGER metodologia euskal herritarrentzat egokitu zen. Osakidetzarekin eta Beasaingo udaletxearekin elkarlanean, CITA Alzheimer Fundazioak, beste erakunde batzuekin batera, 4 arlotako FINGER metodologia ezarri zuten: 1) Arrisku-faktore kardiobaskularren kontrol zorrotza, 2) Entrenamendu kognitiboa, 3) Entrenamendu eta jarduera fisikoa, eta 4) Ohitura dietetikoak eta nutrizio-ohiturak aldatzea. Berrikuntza gisa, Qualiker gure ikerketa taldeak bosgarren faktore bat gehitu zion: 5) Gaitasun sozio-emozionalen entrenamendua. Hain zuzen ere, azken arlo honen inguruko esku-hartzea biltzen du liburu honek.

EMO-OROITU, adineko pertsonen gaitasun sozio-emozionalen sustapena narriadura kognitiboaren prebentziorako programa diseinatzerakoan (liburuaren “III. Zatia), hezkuntza emozionala zahartzaroan ezartzeari buruzko kontzeptualizazio teorikoak “I. Zatia” eta gaiari buruzko ikerketen ekarpenak “II. Zatia” hartu ziren kontuan, adineko pertsonek bizi behar dituzten egoeretara modu eraginkorrean egokitzeko jarduera erabilgarriak diseinatu, inplementatu eta ebaluatuz. Horrela, EMO-OROITU (emozioen bitartez oroitu) izeneko esku-hartze programaren diseinuak sei gai-multzo hauek barne hartu ditu: I) Psikohezkuntza, II) Kontzientzia emozionala, III) Komunikazio emozionala, IV) Erregulazio emozionala, V) Bakardadeari aurre egitea, eta VI) Ongizate subjektiboaren sustapena.

ISBN-a 978-84-9109-932-1
Argitalpen data 2023-11-21
Bilduma Saiopaperak-Pentsamen.Gizartea, 37
Orrialdeak 160
Koadernaketa Paper-azala
Formatua 160 x 240 mm
Materia Helduentzako literatura
Imprimir
Paperezko edizioa ? 16,00€

Bidalketa gastuak ez daude barne

itxi

Paperezko edizioa

Paperezko edizioaren erosketa.

Erosi liburua paperezko edizioan. Zure ohiko liburudendan eros dezakezun berbera.

Amaiur Olarza

Nekane Balluerka

Arantxa Gorostiaga Manterola

Aitor Aritzeta

Goretti Soroa

PLEC2021-008171 egitasmoa, honako erakunde hauek sustatua: Ministerio de ciencia e innovación", "NextGenerationEU", "Plan de Recuperación, Transformación y Resiliencia", "Agencia Estatal de Investigación"."

EREIN Argitaletxea

Tolosa etorbidea 107.
20018 DONOSTIA
Tfno.: (+34) 943 218 300
Fax: (+34) 943 218 311

Liburuaren, Komikiaren eta Irakurketaren Zuzendaritza Nagusiak finantzatutako proiektua, Kultura Ministerioa

Unión Europea